Aprubado na sa Kamara ang paglilipat ng ownership ng Mindanao Islamic Telephone Company (Mislatel) Incorporated sa Mislatel Consortium.
Ito ay matapos aprubahan ang inihaing House Concurrent Resolution No. 23 ni Quirino Representative Dakila Carlo Chua kahit pa tinutulan ito ni House Deputy Speaker Prospero Pichay.
Nakisosyo ang Mislatel pati na ang Udenna Corporation at Chelsea Logistics Holdings Corporation sa China Telecommunications Corporation para bumuo ng Mislatel Consortium na idineklarang ikatlong telephone company player sa bansa.