Tuloy pa rin ang isasagawang pagdinig ng Senate blue ribbon committee hinggil sa umano’y isyu ng ‘conflict of interest’ laban kay Health Secretary Francisco Duque III.
Sa panayam ng DWIZ, kinumpirma ito ni Senador Richard Gordon kung saan nakatakdang magsimula sa susunod na linggo ang pagdinig na nag-ugat sa akusasyon ni Sen. Panfilo Lacson laban kay Duque.
Kabilang din sa tatalakayin sa pagdinig ang umano’y korupsiyon naman sa PhilHealth.
Ayon kay Gordon, magiging ‘firm’ at ‘fair’ ito kay Duque hinggil sa imbestigasyon sa nabanggit na isyu.
Dagdag pa nito, kabilang din aniya sa kanyang inimbitahan ang pamilya ni Duque para dumalo sa nakatakdang pagdinig.
Kay Secretary Duque, I will be firm and fair, although, kung hindi siya makakarating sa unang hearing, dahil may ginagawa din siya. I think lalabas din siya,” ani Gordon.
IZ Balita Nationwide Sabado Interview
