Iriga City – Mas maray kun sa bulan na sanang Enero 2021 magbuelta an operasyon kan mga provincial buses kaiba na sa kaBikolan.
Iyo ini an sinabi ni Usec. Jonathan Malaya kan DILG kasunod kan nagin pagtugot kan IATF sa point to point operation kaini.
An pahayag kan opisyal ibinase sa pinaghahandalan na paglobo kan kaso nin Covid-19 huli sa pagbyahe kan mga hali sa Metro Manila asin ibang parte kan nasyon na igua nin dakol na kaso.
Nagtutubod si Malaya, na kun iuktaba an nasabing P2P mas makakarahay tanganing malimitaran an homa kan hilang mientras na yaon sa kritikal na sitwasyon.
Alagad an gabos na ini yaon man giraray sa kamot man LTFRB asin mga local na gobyerno
Sa katakod na bareta, ipinahayag man ni Bicol IATF chairman asin Regional Director Anthony Nuyda na mayo pa nin pinaluluwas na rekomendasyon an mga gobernador hali sa anom na probinsya kan Bicol kun matugot na sinda sa pagbuelta nin Operasyon kan mga buses.
Madepende soboot sa nasabing rekomendasyon an saindang desisyon sa Bicol IATF.
(OIC Melvin Barayoga, RPN DZKI Iriga)
(Source: DILG Bicol)
