Ang lokal nga kagamhanan sa Dipolog City ang mihatag ug duha ka sakyanan sa kapolisan sa Dipolog City. Usa kini ka pamaagi nga makatabang sa mga operasyon unya sa mga kapolisan ning syudad.
Matud pa sa hepe sa Dipolog City Police Station nga si Police Lieutenant Edwin Verzon daku kaayo nilang kalipay nga nadugangan ug mga sakyanan tungod kay daku kaayo ning tabang para magamit sa mga kapolisan batok sa kriminalidad ning syudad.ug magamit kini sa ilang mga operasyon sa mga lagyong lugar.saysay pa sa Hepe daku kining tabang ang gihimo sa LGU Dipolog City sa buhatan sa kapolisan kay daku ug kakulangon ug sakyanan ang ilang buhatan. Aduna usab silay gauna nga request nga tinguha nila nga mahatagan sila dugang hand held radio para magamit sa matag personahe sa kapolisan.
Ang buhatan sa DPS ang aduna na usab 20 ka motorsiklo ang nahatag sa LGU Dipolog City bag ohay pa lamang.
Ang maong mga sakyanan adunay kantidad matag usa sa tag 1.3 million ka pesos.
Sa pagkakaron ang Hepe ning syudad naningkamot nga mahataga ug dugang personahe ang Dipolog City Police Station kay aduna silay mga plano nga dugangan pag tulo ka compact ilabina sa mga lugar nga nihit makita ang personahe sa kapolisan,diin magamit kini isip exit point kung aduna man gani mga krimen, partikularmente sa Dipolog City.
Matud pa ang buhatan aduna lamang 125 ang mga uniformed personnel ug adunay laing 9 ka non-uniformed personnel. (Angelica T. Obina)
(Source: DCPS)