Guipos, Zamboanga del Sur – Lima ka mga membrro sa NPA ang bulontaryong mi surender didto sa 53rd Infantry Battalion, Philippine Army niadtong adlaw nga Sabado, Marso 26 2022. Sa pagpanguna ni 53rd Commanding officer, Lt. Col. Joar Herrera, kauban sila Brig. Gen Leonel Nicolas, commander sa 102nd infantry “igsoon” brigade; Maj. Gen. Gene ponio, Commander sa 1st infantry “Tabak” division, Philippine Army ug Brig. Gen. Camilo Balutan (Ret), Regional Director sa National Intelligence Coordinating agency-Region 9.
Pormal nga gi turn over sa mga NPA surrenderees ang mga armas karong adlawa, Marso 28 2022.
Usa sa mga misurender si Alyas “ka-Andoy” usa sa mga high ranking official sa mga walhong grupo nga anaa nagpugad sa kabukiran sa San Miguel. Matud pa nya nga ang ilang pagbaik sa sabakan sa balaod, kinasing kasing ug kaugalingong disisyon tungod kay nakita nila nga wala na gayuy paglaum nga magpadayon pa sa mga komunistang grupo diin kadaot lamang ang dala. Dugang pa nya nga ilang naamguhan nga mas maanindot ang programa sa gobyerno ug ang pinaka gikahinaman gayud niya ang makauban ang pamilya ug mga anak ug makapamuhi ug normal sa sibilisasyon nga walay gikahadlokan.
Nahimong emosyonal usab ang panagkita (reunion) niya kauban ang asawa ug anak diin na sorpresa gayod siya nga makita ang pamilya nga 13 ka tuig sab niyang wala makita.
Andam na usab sila nga makighiusa sa gobyerno karon nga wagtangon ang mga walhong kalihukan ug giawhag sab nila ang uban nga anaa pa sa kabukiran nga di mahadlok tungod kay mas hayag ang kaugmaon ilawom sa pangagamhanan.
Ang 53rd Infantry battalion, Philippine Army, ang nagpasalamat usab sa usa ka mahinungdanon nga pakigsugyot ngadto sa mga NPA surrenderees. Nanghinaot nga magtinabangay ang matag usa aron magpabilin ang kahapsay ug kalinaw sa katilingban. Â (Licsy Sanico, photos courtesy of RPN-DXKP Pagadian News Team)