Patay ang usa ka negosyante human kini gipusil sa wala mailhing gun man kaganihang buntag sa Omairah Market, Barangay Datu Saber, Marawi City.
Giila ang biktima nga si Walid Camar Esmail, 32 anyos ug residente sa nasangpit nga siyudad.
Nigula sa imbestigasyon nga samtang sakay ang biktima sa usa ka Toyota Hilux nga adunay plaka numero NEF 8838, kalit kining gidul-itan sa usa ka riding in tandem nga naka suot ug itom nga jacket ug sa walay langan gipusil ang biktima.
Narekober sa crime scene ang mga basyo sa kalibre .45 nga pistola nga maoy gigamit sa krimen.
Nadala pa sa balay tambalanan ang biktima apan nakabsan kini sa kinabuhi.
Nagpadayon pa karun ang gihimong imbestigasyon sa mga kapulisan aron masuta ang motibo ug ang mga suspek nga anaa sa likod sa nasangpit nga pagpamusil. (Ernest Villariza)