COCPO Force Mutipliers team development and fellowship nagmalampuson

0
7

Cagayan de Oro – Gi pabati ni 1st District Cong. Lordan Suan ang iyang dako nga suporta ug pag tahud ngadto sa mga myembro sa “COCPO Force Mutipliers” atol sa ilang gipahigayong team development and fellowship day kagahapon, adlaw nga Domingo diha sa usa ka beach resort sa Barangay Bayabas diin kini gi tambungan sa ilang mga dinapit nga mamumulong nga sila si COCPO Deputy City Director for Administration PLt. Col. Duphar Chris Cuaresma, Barangay 17 Chairman Anthony Atterviry III ug sa representante ni Suan nga si 1st District Assistant Director Bert Amplayo.
Mi duyog sa kasadya sa maong okasyon ang buhatan ni Suan sa imbetasyon sa pangulo sa “COCPO Force Mutipliers” nga si Mr. Christopher Lopez, diin gipa ambit ni Amplayo ang mensahe sa kongresista kalabot sa kamahinungdanon sa nasangpit nga grupo sa pag tabang nga mapatunhay ang kahusay ug kalinaw sa dakbayan.
Matud pa ni Amplayo, dili basta-basta ang sakripisyo nga gitanyag sa matag myembro sa grupo ngadto sa syudad asa kini sila ga gahin sa dakong bahin sa ilang oras sa pag asister sa atong kapolisan aron masiguro nga luwas ang atong katilingban gikan sa mga dautang elemento, butang nga alang kang Suan, labing dalaygon sa tanan.

 

News and photo by Behua Marfori

Leave a Reply