Pagadian City – Nagpadayun ang pagbakuna sa mga kabataan nga nag edad 5 anyos hangtud na 11 anyos ning adlaw nga Biyernes sa may Capitol Gym, Pagadian City.
Base sa gipagawas nga datus sa Integrated Provincial Health Office kon IPHO nga mukabat na sa 3,266 ka mga bata ang nabakunahan gamit ang Pfizer Vaccine gikan atong pebrero 14 hangtud ning adlawa sa tibuok probinsya Zamboanga del Sur.
Dugang pa nga nag-una ang syudad sa Pagadian sa pagbakuna sa mga bata, edad 5-11 years old nga adunay 936 o 3 porsyento gikan sa kinatibuk-an nga papulasyon sa nahisgutan nga edad. gisundan kini sa Margosatubig, Molave, Labangan, Lapuyan, Kumalarang, Aurora, Mahayag, Dumingag, MIdsalip, Sominot, Dinas, Tigbao, Tukuran, Josefina, Bayos, Dumalinao, Ramon Magsaysay, Tambulig, Pitogo og Dimataling.
Gipasabot ni Dhalia Aseñero ang Health Education Promotions Officer nga adunay Lungsod sama sa Vincezo Sagun, San Pablo, San Miguel, Tabina, Lakewood, og Guipos nga sa Lunes pa magsugod alang sa pagbakuna sa mga bata edad 5 hangtud 11 anyos.
Gitino usab sa Promotions Officer nga wala pa makaabot sa katunga ang porsyento sa mga nabakunahan na sa Lalawigan Zamboanga del Sur. Samtang padayun ang iyang pagdasig ngadto sa mga ginikanan nga kinahanglan mahimong bakunado ang mga anak aron sa ingon maluwas sa Virus og makabalik sa normal nga pagtungha na nga walay kahadlok sa palibot.
(Photos courtesy by Wendel Cabrera)
