Zamboanga del Sur – Nagmalampuson ang gipahigayon nga anti-smuggling orientation and activation nga gipangunahan sa Provincial Government sa pagpamuno ni Zamboanga del Sur Governor Victor J. Yu kauban ang partisipasyon sa kapulisan, Costguard, Navy, Bureau of Internal Revenue og ang Bureau of Custom, sa may Subanen Hall, Dao Pagadian City Atong nakalabay nga adlaw.
Matud ni Police Colonel Ruel Lamiing ang Provincial Director nga ang Smuggled Cigarettes ang usa sa problema sa Zamboanga Peninsula partikular sa Zamboanga del Sur, rason nga padayun og mas gipahugtan pa ang ilang kampanya batok niini.
Dugang ni Colonel Lamiing nga ubay-ubay na ang ilang na intercept nga mga smuggled cigarettes og mukabat na matud pa sa 3 milyones ka pesos kapin kon kulang ang gibana-banang kantidad sa mga nasabat nga mga sigarilyo kini base sa datus atong bulan sa Setyembre.
Gibutyag ni Captain Leonardo Carillo ang District Commander Custom Police nga dako kining problema kon magpadayun ang mga smuggled cigarettes tungod dako kining kawalan sa Gobyerno sa pagdayun sa Universal Health Care, kon asa diri naka depende ang pag-implement sa mga health programs og sa mga taxes nga makuha niini. Samtang padayun usab ang suporta nga ihatag sa Provincial Government pina-agi ni Governor Victor J. Yu ngadto sa mga ahensya nga ilawom sa Provincial Task Force on Anti-Smuggling aron maundang ang pagbaligya og pagsulod niini sa Lalawigan Zamboanga del Sur.
(Source: Pagadian News Icon)