Nagpakita og suporta ang 97th Infantry (KALASAGLAHI) Battalion, 1st Infantry (TABAK) Division, Philippine Army sa pagpanalipod sa maritime domain sa nasud pinaagi sa pag-apil sa simultaneous Flag-Raising Ceremony niadtong Septiyembre 7, 2026, isip kabahin sa Maritime and Archipelagic Nation Awareness Month (MANA Mo) 2026.
Ubos sa pagpanguna ni Lieutenant Colonel Jessie G. Bergonia, Commanding Officer, miapil ang batalyon sa nasudnong observance nga nagtumong sa pagpalig-on sa kahibalo sa publiko kabahin sa Pilipinas isip maritime ug archipelagic nga nasud.
Gibasa ni Lt. Col. Bergonia ang mensahe ni President Ferdinand R. Marcos Jr., nga nagpasiugda sa responsableng pagdumala, pagpanalipod, ug pagpreserbar sa maritime domain sa Pilipinas.
Gipasiugda usab sa observance nga ang pagpanalipod sa maritime resources, soberanya, ug territorial integrity dili lamang responsibilidad sa militar, kondili usa ka hiniusang buluhaton sa gobyerno, lokal nga pangagamhanan, mga komunidad, ug uban pang stakeholders.
Pinaagi sa maong partisipasyon, gipamatud-an sa 97IB ang padayong suporta niini sa mga inisyatibo alang sa nasudnong seguridad, pagkamakabayan, ug maritime awareness sa mga komunidad nga ilang gialagaran.(IKEN B. GULLEM)
Source: 97th Infantry Kalsaglahi Batallion