Dili passable karon mga gutloa ang dalan sa national highway sa Ramon Magsaysay, Zamboanga Del Sur tungod sa usa ka truck nga mibabag sa kalsada gumikan sa usa ka aksidente.
Sigon sa report, samtang gilatas sa maong truck ang paubos nga bahin sa kalsada kalit na lamang niining gipangbanggaan ang mga sakyanan sama sa awto, Innova ug wingvan.
Usa ka magtiayon kauban ang ilang usa ka anak nga giingong motambong unta og kasal didto sa Tukuran, swerteng nakalingkawas sa kamatayon ug bugtong samad lamang dapit sa may walang bahin sa dunggan ang naangkon taliwala sa grabeng kadaot nga na-angkon sa ilang awto nga gisakyan.
Sa kasamtangan, bumper to bumper karon ang mga sakyanan nga nangatanggong sa lugar kay wala pa nakuha ang truck nga mibabag sa kalsada. (Ernest Villariza)