GENERAL SANTOS CITY – NAKA KUSTODIYA karon sa Makar Police Station ang usa ka batan-ong lalaki human nga nadakpan sa katawhan sa Litanville, Brgy. Sinawal gumikan sa insidente sa pagpangawat. Ang labaw sa mga Barangay Police Action Force kon PBPAT-Sinawal mao ang nagpahibalo sa Makar Police Station nga adunay nasakpan nga kawatan. Sa imbestigasyon nigawas nga boarding house sa usa ka pulis nga na assign sa airport ang biktima. Sumala pa nga samtang kini natulog nakuratan na lang sa kasikas nga iyang nadungog ug nakadagan na ang kawatan pagawas sa iyang gipuy-an. Dala sumala pa sa kawatan ang usa ka sling bag nga adunay armas ug may magazine ug bala, pitaka nga may kwarta ug ID, nitabang sa paggukod ang mga silingan mao nga nasakpan ang suspek. Nabawi ang mga butang kinawat samtang gipa-eksamin sa tambalanan ang suspek ayha gibutang sa selda gumikan nadapatan sa mga katawhan, nagpakahilum usab kini sa iyang edad kon minor de edad pa siya.