Ang biktima giila sa Tuburan Police Station na mao si Leonila Cerado Maguate, 57 anyos ang panuigon, residenti sa maong lugar.
Naila usab ang suspetsado nga si Felix Marquez Rebanuel, Sr.,69 anyos ang pauigon, nagpuyo rapud sa maong lugar.
Sa imbestigasyon nga gihimo sa Tuburan Police Station nasayran nga samtang natulog ang biktima gisaka kini og gi tigbas sa suspetsado uban ang anak niini nga si Felix Macuate Rebanuel, Jr., 33 anyos ang panuigon.
Naangol ang anak nga padayong giatiman sa mga Doktor.
Human sa pagpanigbas nagdunggab usab sa tiyan ang mamumuno nga nalandig sa tambalan.
Ang kapulisan nagsubay karon sa motibo nga selos maoy hinungdan sa maong krimin sanglit taod-taod na kining wala nag- usa sa pagpuyo. (Renante Socia Lada)