Nidawat og P10,000 nga educational assistance ang 1,989 ka mga estudyante sa JH Cerilles State College (JHCSC) nga naapektuhan sa pagkasira sa ilang off-site campuses, adlawng Miyerkules, Oktubre 30, pinaagi sa suporta sa Provincial Government. Ang maong financial assistance usa ka inisyatiba ni Gov. Victor Yu kauban nila Cong. Divina Yu ug Cong. Victoria Yu aron masuportahan ang mga estudyante nga mibalhin sa main campus sa San Miguel aron magpadayon sa ilang pag-eskwela.
Makita ang kalipay sa nawong sa mga estudyante samtang gidawat nila ang tabang pinansyal nga makaabag sa ilang biyahe ug galastuhon sa eskwelahan. Gipasalamatan nila ang Provincial Government alang sa maong pinansyal nga suporta nga nagdasig kanila sa pagpadayon sa edukasyon bisan pa man sa mga pagsulay.
(Source: Victory Zamboanga del Sur Facebook page)