30.9 C
Manila
Friday, March 29, 2024

Pagadian: 1,381 total vaccinated sa unang adlaw sa 2nd wave national vaccination days sa capitolyo ug ZDSMC

- Advertisement -

Pagadian City – Mokabat sa 1,381 ang kinatibuk-ang ihap sa mga nabakunahan sa unang adlaw sa ikaduhang hugna sa “Bayanihan, Bakunahan” National Vaccination Days sa Zamboanga del Sur Provincial Government adlawng Lunes, Disyembre 20, 2021.

Visit RPN DXKP Pagadian

Ang maong ihap naggikan sa duha ka vaccination sites nga mao ang Provincial Capitol Covered Court ug Zamboanga del Sur Medical Center. Wala pay labot niini ang vaccination area sa barangay hall sa Brgy. Santiago tungod kay adlawng Martes pa kini magsugod.

Ang second wave sa pagpamakuna ipahigayon gikan niadtong Disyembre 20 hangtod 22 human mairog kini tungod sa Bagyong Odette.

Sa pakighinabi kang Dr. Anatalio Cagampang, IPHO head sa Zamboanga del Sur ning milabayng semana, tumong sa laing tulo ka adlaw nga National Vaccination Days nga mas madugangan pa ang ihap sa mga bakunado sa lalawigan aron nga makab-ot ang herd immunity subay usab sa mandato sa Department of Health ug national government.

Gi-awhag ni Dr. Cagampang ang katawhan nga magpabakuna aron maproteksyunan batok sa COVID-19 virus ilabina na nga namatikdan na ang omicron variant sa nasud.

“Akong pag-awhag sa mga Zambosurian nga it’s high time na gyud nga magpabakuna ug dili na nato hulaton pa nga mokuyanap ang omicron variant,” pamahayag ni Cagampang.

Gibutyag usab niya nga daghang kapilian nga bakuna sa ipahigayong massive vaccination sa Kapitolyo ug ZDSMC. Lakip sa mga available nga bakuna ang Sinovac, AstraZeneca, Sputnik, Moderna ug Pfizer.

Isip pahalipay sa mga magpabakuna, gihimo gihapon sa probinsya ang pagpanghatag og libreng 5-kilos nga bugas ngadto sa mga magpabakuna sa tulo ka vaccination venues sa Provincial Government.

(Source: Zamboanga del Sur press bureau, photo courtesy of Philippine News Agency)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -