Nadakpan sa kapulisan ang No. 1 Most Wanted Person sa Eastern Visayas sa usa ka manhunt operation sa Purok 7, Barangay Banahao, Lianga, Surigao del Sur niadtong Septiyembre 3, 2026.
Ang nadakpan giila lamang sa alyas nga “Asiong,” 53 anyos, usa ka mag-uuma ug taga-Albuera, Leyte. Siya gipangita tungod sa upat ka kaso sa rape nga gi-file batok kaniya sa korte.
Adunay tulo ka counts sa Qualified Rape by Sexual Assault nga adunay kinatibuk-ang girekomendar nga piyansa nga ₱600,000, samtang ang usa ka kaso sa Qualified Rape walay piyansa.
Gidakop siya sa 1st Leyte Provincial Mobile Force Company uban sa ubang police units. Human sa pagdakop, gidala siya sa Lianga Municipal Police Station alang sa hustong proseso ug pag-atubang sa mga kaso batok kaniya.
Matod sa PNP, ang pagdakop kabahin sa ilang padayong kampanya batok sa mga wanted person ug pagpatuman sa balaod subay sa due process ug katungod sa mga akusado.
I via Renante Socia Lada