Padayon nga gibantayan sa Environmental Management Bureau Region VII (EMB-7) ang kalidad sa hangin sa Central Visayas tungod sa gikatahong haze sa pipila ka lugar sa rehiyon.
Base sa update alas-7 sa buntag, Septiyembre 8, 2026, ang Metro Cebu monitoring station nakarekord og Air Quality Index (AQI) nga 135, nga giklasipikar nga “Unhealthy for Sensitive Groups.”
Samtang, ang monitoring station sa Barangay Cabitoonan, Toledo City nakarekord og AQI nga 63, nga giklasipikar nga “Fair” o medyo maayo ang kalidad sa hangin.
Gipahimangnoan ang mga residente nga mas mag-amping, ilabi na ang mga bata, tigulang, mabdos ug mga adunay sakit sa kasingkasing o baga sama sa asthma. Gidasig usab ang publiko nga kanunay mosusi sa pinakabag-ong air quality updates ug advisories gikan sa EMB-7.
I via Renante Socia Lada