Cebu City – Patay ang piloto sa nahagsa nga helicopter sa Philippine Air Force (PAF) samtang nagpahigayonog maintenance ug equipment test flight alas 9:40 gahapon sa buntag.
Ang MG-520 attack helicopter nahagsa sa kabaybayonan sa Handayan island, Getafe, Bohol.
Giila ang nakalas nga si Captain Aurelios Olano, piloto ,sakop sa Philippine Airforce.
Si Olano lumad nga taga Candijay, Bohol.
Nanga angol sa insidente sila si 1st Lt. Hilary Bunao, 27, co-pilot; Airman First Class Rex Anapio, taga Manila; First Class Bonn Arasula.
Pulos kini mga sakop sa PAF 15th Strike Wing sa Mactan.
Hinuon, nahatod dayon sa ospital sa Ubay ang tulo ka samaron nga crew.
Suma pa sa tigpamaba sa Phil. Air Force, Â Lt. Col. Maynard Mariano, gikan sa Benito Ebuen Air Base sa Mactan, Cebu ang chopper dihang kalit lang nahagsa.
Pagkakaron, gisusi pa kon aduna bay nakalas o naangol sa sa nahagsaan sa helicopter o kaha napagan .
Samtang ang Phil. Air Force nag-imbestigar pa sa nahisgotang insidente. (Jhon Tadlip/JTY)
(Source: Philippine Air Force, photo courtesy of Getafe Police)
