Pagadian City – Sikop ang bag-ong naila nga drug personality sa gipahigayon nga Anti-illegal Drug Buy-Bust Operation nga gihimo sa hini-usang pwersa sa kapulisan nga gipamunoan sa Station Drug Enforcement Team kon SDET sa pagpangulo ni Police Lieutenant Brainhull A Sakkam, Chief Intelligence Section kauban ang Labangan MPS, Zamboanga Del Sur Maritime Police Station, 2nd Mobile Company, ZSPMFC, PHPTZDS, Sominot Municipal Police Station ug ang San Pablo MPS, sa may Purok Mahigalaon, Barangay Bulatok Pagadian City.
Naila ang suspetsado nga si Brendo Dayona Jagmil, aka Butchoy, 40 anyos, adunay ka live-in partner, ug residente sa Tawagan Norte, Labangan Zamboanga Del Sur. atol sa operasyon nakumpiska gikan sa suspect ang usa ka gamay nga pakete sa gituohang shabu isip buy-bust item ug lain 4 ka gagmay nga pakete sa shabu nga mukabat sa 0.04 gramos ug gibana-banang mubalor sa 2,500 ang market value niini, ug usa ka libo ka pesos isip buybust money. (Wendel Cabrera)
