General Santos City – Daku kaayo ang kalipay ug pasalamat sa mga tagdumala ug mga magtutudlo, ingon man Parents and Teachers Association (PTA) sa Alabel Central Integrated SPED School, Alabel, Sarangani Province, human hingpit nang giturn-over ngadto kanila ang P6 milyong kantidad sa Multi-purpose Building nga gipundohan ni Sarangani lone District Cong. STEVE CHIONGBIAN SOLON.
Kini tungod daku kaayo’g gamit ang maong proyekto sa lain-laing mga aktibidad sa nasampit nga tulunghaan.
Mismo gayud si Cong. Solon maoy nag-unang saksi pagturn-over sa taga DPWH sa maong Multi-purpose Building pinaagi ni DPWH District Engineer Rey Francisco ngadto sa kadagko-an sa naasoy nga eskwelahan.
Kalakip misaksi sa maong seremonya sila Board Member Irish Arnado, Board Member Joseph Calanao, Alabel Councilor Joel Aton ug Congressional Chief of Staff for Operations Engineer Gerald Faciol.
Human ang pormal nga turn-over sa maong proyekto misaad pa si Cong. Steve Solon sa paghatag og budget alang sa rehabilitasyon o sa gymnasium sa nahisgotang eskwelahan ug pagpalambo sa basketball rings ug bleachers niini nga gikalipay subli sa mga tagdumala sa Alabel Central Integrated SPED School. (Rem C. Agdon)