Cagayan de Oro: ‘Business Continuity & Recovery Program’ gitakdang ipahigayon sa ORO-TIPC alang sa mga MSMEs

0
4

Gikatakdang magpahigayon ang Oro-Trade and Investment Promotions Center kon ORO-TIPC sa ‘Business Continuity and Recovery Program’ aron pagtabang sa mga micro, small and medium enterprises kon MSMEs nga makabarog og balik gumikan sa epekto sa pandemya.

Ipahigayon ang launching sa maong programa karong umaabot Hulyo 14 pinaagi sa usa ka Zoom Webinar ug pagasundan kini sa face-to-face workshop.

Sa kasamtangan, nagpadayon pagdawat ang ORO-TIPC sa mga MSMEs nga gustong mosalmot sa maong kalihukan pinaagi niining maong link https://bit.ly/TIPCBCP2023

Sa maong Business Continuity and Recovery Program, nagkadaiyang mga speakers ang gidapit sa Oro-TIPC pinaagi sa pakigtimbayayong sa nagkadaiyang business organizations ning syudad.

Usa ang economic recovery sa gihingusgan sa administrasyon ni Mayor Rolando ‘Klarex’ Uy pinaagi sa RISE CDO agenda alang sa pagpauswag sa komersyo ug negosyo sa dakbayan sa Cagayan de Oro.

(News and photo courtesy of CIO CDO)

Leave a Reply