General Santos City – Laing turnover ceremony ang gihimo kagahapong adlawa alang sa land improvement project sa Quezon Avenue, Barangay Dadiangas West, partikular na ang pagtukod sa Median Barrier nga adunay 5 ka units sa Solar Streetlights.
Sila si Gensan City Mayor Lorelie Geronimo Pacquiao ug LNB President Bobby Pacquiao maoy nangulo sa seremonyas nga nagtumong sa pagpauswag sa kaluwasan ug kaharuhay sa mga motorista sa maong dapit.
Ang proyekto nga nagkantidad og P5 milyones ka pesos kabahin sa inisyatiba sa lokal nga kagamhanan nga gipangulohan ni Mayor Pacquiao alang sa mas maayo ug luwas nga imprastraktura sa dakbayan sa General Santos. (Rem Agdon)
(Source: CMO)