Misamis Oriental – PAKIGBATOK sa breast cancer ang tumong sa gipahigayong Breast Cancer Awareness Program & Training sa kapitolyo probinsyal. Kini uban sa pakigtambayayong sa mga doktor sa Northern Mindanao Medical Center (NMMC).
Lakip sa libreng serbisyo para sa mga empleyado sa kapitolyo probinsyal ug mga walk-ins ang breast screening, mammogram and breast ultrasound sa mga pasyente nga makitaan ug bukol sa suso.
Matod ni NMMC Officer In Charge Dr. Joseph Chrysler Beja nga importante ang pag edukar ug pagbatok sa breast cancer mintras sayo pa aron adunay dakong tsansa nga matambalan kini.
Anaa sila si Provincial Health Consultant Rommel Maslog, Provincial Health Office Head Dr. Ted Yu Jr., NMMC OIC Dr. Joseph Beja, DOH 10 Non-Communicable Disease Cluster Head Dr. Tristan Jediah Labitad, NMMC Oncologist Dr. Bernadette Olaer, ug uban pang mga kadagkoan.
Kahinumdumang ang selebrasyon adunay temang “Paglaum, Kusog, ug Pagpahiuli: A Fight Against Breast Cancer”.