Nagtunol balor usa ka milyon ka pesos si Gov. Bambi Emano ngadto sa Northern Mindanao Medical Center o NMMC alang sa mga medical supplies pagpakigbisog batok COVID-19. Ang maong pundo gikan sa lokal nga panudlanan sa Misamis Oriental ang personal nga gidawat ni Dr. Jose Chan, ang hepe sa maong tambalanan.
Gawas niini, gisugilon ni Emano nga istrikto usab ang ilang pagpatuman sa pagbantay sa mga entrada sa probinsya. Nagdis-infect na usab ang lokal nga kagamhanan sa mga opisina niini aron pakigbisogan gayod and pagkuyanap sa maong kagaw.
Sa pagpakayab sa nasudnong bandila sa kapitlyo kagahapon, gimando sa gobernador sa iyang mensahe ang pagpamonetize sa ilang clothing allowance aron magamit kini sa mga empleyado sa mga vitamis, pagkaon ug uban pang gamit pagpanalipod batok corona virus.
Kahinumduman nga sa nakalabay nga semana gipailawom na sa state of emergency ang probinsya sa Misamis Oriental.
Tapos gibutyag sa hepe sa NMMC nga nagkulang sila pagkakaron sa mga medical supplies gumikan sa mga pasyente nga ilang giatiman ilabi na sa giimbestigar ug gimonitor labot na sa coronavirus, diha-diha nakahukom ang lgu of MisOr nga motunol sila sa finansyal nga ayuda.
Niadtong Biyernes sa gabii, namatay ang usa ka pasyente sa COVID-19 sa tambalanan sa NMMC.