CAGAYAN DE ORO CITY- Ang City Health Office sa Cagayan de Oro mideklara nga adunay hilabihang pagkunhod sa gidaghanon sa mga persons under monitoring atol sa press briefing sa City Hall. Hinuon matud sa CHO chief Dr. Lorraine Nery, dili lang gihapon kini kompyansahan.
Gikan sa 1,331 cases sa PUMs, kini nahimong 30 na lamang sa nagkalain-laing barangay sa syudad samtang ang peron under investingation ang naa sa tulo na lamang nga nagpahigayon sa self-quarantine. Mao kini ang gisugilon ni Nery samtang nagapadayon ang ilang health terms sa paghouse-to-house sa syudad sa 80 ka mga barangay niini.
Sa pikas bahin, gianunsyo ni Nery nga aduna nay 72 ka barangay isolation units nga andam na sa pag accommodate sa mga PUMs nga dili makapatuman sa social distancing sa ilang panimalay tungod kay walay igong space.