CAGAYAN DE ORO- Gilusad sa syudad sa Cagayan de Oro ang usa ka Task Force nga nagtinguha pagtapos sa Local Communist Armed Conflict sa mga lagyong kabarangayan ilabi na sa Tignapoloan. Gitawag kini nga Elcac kon End Local Communist Armed Conflict.
Ang maong paglusad gihimo isip kabahin sa duha ka adlaw nga kalihokan sa City Hall nga nag-apil sa Tabang Medico/ Serbisyo Caravan nga gipahigayon sa barangay Tignapoloan ug Tuburan, pulos mga hinterland areas ning dakbayan.
Ang mga kadagkuan sa nasudnong kagamhanan nga giunhan ni Secretary Martin Andanar sa Presidential Communications Operations Office misaksi sa maong kalihokan diin gihimo usab ang turnover sa usa ka tractor unit gikan sa Department of Agriculture ngadto na sa 65th Infantry Batallion dungan sa natapos nga dalan nga gipatrabaho sa city government.
