Tagreport ni Congressman Robert Ace Barbers, Representante nan Distrito Dos sa Probinsia Surigao Del Norte ngadto sa Kongreso- Republika nan Pilipinas pinaagi sa isa ka Press Conference nan jadton adlaw na Sabado, Febrero 8, 2020 na naaprubahan nan ubos balay balaoranan an ija tagsugyot na balaod na magpasaka sa kapasidad nan Caraga Regional Hospital gikan pagka 150 beds pasingod ngadto pagka 500 bed capacity.
Taglaong ni Cong Barbers na tagpaabot nija an pag apruba sa Senate Version nan naasoy na balaodnon na tagpangamahanan ni Sen. Bong Go na posible matud pa mabotohan kuman umaabot na Huwebes, Febrero 13, 2020.
Sumpay pa ni Cong. Barbers na sa higayon na mahingpit na nga balaod an pagpasaka sa kapasidad nan Caraga Regional Hospital, mapaabot sa katawhang Surigaonon an mas maarang-arang na serbisyo tungod sa dugang budget para sa hospital nan mamahimong hinungdan sa dugang nurses, dugang doktor, dugang ekipos na sarang maka serbisyo nan marajaw sa mga Surigaonon. (Jhino Parrucho, Ronda 10 RPN DXKS)