Atul sa Regular Session Mayo 19, 2020 nan Sangguniang Panlungsod Ciudad Surigao hingpit nga naaprubahan an Ordinansa kontra Diskriminasyon, Harassment, dili kun tawhanon na pagtratar ngadto sa mga tawo nga nag-atubang o nuatubang sa risgo sa maayong panglawas, iban sa paghatag nan silot sa mga mulapas na tagduso sanan sinuyat ni City Councilor Atty. JEX BAYANA.
Taglaong ni Councilor Bayana na an tumong nan ordinansa an pag protehir sa mga tawo na jaoy kondisyon sa lawas, mga trabahante na tagtawag kuman na Frontliners nunot nan inin pandemic sa Covid-19 o bisan ordinaryo na silingan o mag isig ka lugar nan tagsuspetsahan na maysakit, kontra na sa mga gawi isab nan iban tawo na makonsidera na deskriminasyon o paglahi sanan harassment.
Samtang nosulti isab si City Councilor Janree Gonzales, an SK Federated President, nan pasalamat sa pagkaapruba sa anti Discrimination Ordinance na sulti nan ini na tayming gajod labi na para sa Bgy. Canlanipa sanan sa mga lumulopyo didto na nakasinate kuman nan matawag na diskriminasyon. (Jhino Parrucho, Ronda 10 RPN DXKS)
