33 C
Manila
Wednesday, April 24, 2024

Ordenansa bahin sa Lihok Protesta nga makabalda sa dagan sa Trapiko, Gipasar sa Sesyon sa Konseho

- Advertisement -

Davao City –  Hingpit nang gikaihusahan sa mga sakop sa Sangguniang Panlungsod ang usa ka Ordenansa nga nagdili sa bisan kinsa nga maghimo ug mga lihok protesta nga makabalda sa dagan sa trapiko sa syudad.

Sa gipahigayong Regular Session kagahapong adlawa, gimanduan ang si bisan kinsa nga likayan na lamang ang paghimo ug Lihok Protesta nga makabalda sa dagan sa Trapiko kong dili usab nila buot nga makamulta pinasubay sa ordenansa.

“The ordinance aims to prohibit obstruction of public streets to address vehicular traffic problem in our city. We did not prohibit public rallies,” Pahayag ni Davao City Vice Mayor Bernard Al-ag.

Ang ordinansa ubos ni Konsehal Maria Belen Acosta giamendahan kon diin unang gisugyot nga did-an ang pagbabag sa dalan sa Panacan Bridge hangtud na sa nagsangang mga dalan sa Davao Agusan National Highway ug Carlos P. Garcia National Highway.

“Any citizen can conduct rallies in Freedom Park or in any areas allowed by the city. I commend the members of the City Council for supporting this landmark legislation,” dugang pa sa Bise Mayor.

Kahinumduman nga una nang gisugyot ni Vice Mayor Al-Ag sa nakalabayng sesyon sa konseho nga gikinahanglan palapdan pa ang ordenansa sa tibuok dakbayan sa Dabaw. Nahiunod pinasubay sa ordinansa gimando nga gidid-an na ang pagsira sa dalan, pagbutang og barikada, pagpahunong sa mga behikulo ug uban pang mga samang lihok sa usa ka tawo o grupo.

Dugang gikanayon nga ang ordinansa nagtinguha “to preserve peace and order and protect national security ug  libre kun di matandog ang dagan sa medical emergency services ug uban pang mga batakang serbisyo ngadto sa publiko. Ubang mga bentaha naglakip sa luwas ug kaayohan sa publiko; akses sa transportasyon ngadto sa kasikbit nga mga siyudad; makubsan ang epekto sa paghuot sa trapiko; ug padayon nga pamatigayon.

Apan dunay “exemptions” gikan sa mga multa sama sa mga kalihukan o tigum nga gitugtan sa nasyonal o lokal nga kagamhanan o pagbabag nga gituyo aron sa paglihay sa mga behikulo sa mga daut nga dalan, nagpadayon nga konstraksiyon, mga aksidente o emerhensiya.

Matag tawo nga magsupak sa ordinansa pamultahon og P5,000 ug/o pagkapriso og di moubos sa usa ka tuig o ang duha base sa hukom sa korte. Sa 17 ka mga konsehal nga mitambong atol sa sesyon, tanan mibotar sa pag-aproba sa ordinansa alang sa ikatulo ug katapusang pagbasa.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -