27.2 C
Manila
Friday, March 29, 2024

Mga armas sa mga misurender nga sakop sa Rebelding NPA, gipresenta sa Media

- Advertisement -

Davao City –   Gikalipay karon sa kagamhanan ang padayong pagdaghan sa ihap sa mga sakop sa rebelding New Peoples Army nga hingpit nang gibalik sa sabakan sa balaud. Kini human usab nga gipatuman ug gipakusgan sa Department of National Defense Enhanced Comprehensive Local Integration Program (E-Clip) sa kagamhanan. Gumikan sa E-CLIP mas daghang armas usab ang gibitbit sa mga kanhi NPA nga misurender sa Kagamhanan.

Sa Gipahigayong Press Conference dili pa lamang dugay nga gihimo sa usa ka Hotel nganhi sa syudad, gipresenta sa nagkadaiyang unit sa otoridad ang mga nagkadaiyang matang sa tag-as nga armas isip pamatuod sa seryosong kampanya sa kagamhanan.

Mismong si Defense Secretary Delfin Lorenzana ang mihiling sa mga tag-as nga armas nga gi-surender sa mga NPA atol sa ilang pagtahan. Subay sa datus sa militar dul-an 10,000 na ka mga miyembro sa NPA ang mibalik sa sabakan sa balaud diri lamang sa Davao Region.

Pasalig ni Lorenzana nga andam ang kagamhanan sa paghatag og scholarship sa mga nahisgutan didto sa Technical Education and Skills Development Authority (Tesda). Padayon sab silang hatagan og livelihood assistance ug salapi ubos sa E-Clip.

Sa pikas bahin, personal usab nga gihinabi ni PNP Chief Director General Oscar Albayalde ang pipila ka mga sakop sa rebelding New Peoples Army nga misurender sa kagamhanan. Gipasalamatan sa opisyal ang mga hintungdan sa ilang pagsalig sa kagamhanan dungan ang paghinaut nga mosunod na usab sa pagsurender ang mga kaubanan niining NPA aron hingpit nang maangkon sa nasud ang dugay nang gipangandoy nga kahusay ug kalinaw.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -