29.6 C
Manila
Friday, April 19, 2024

Pres. Marcos sa mga apektado sa linog sa GenSan ug Sarangani Province: “Dili namo mo talikdan”

- Advertisement -
General Santos City – Si Presidente Ferdinand R. Marcos Jr. mihupay sa mga biktima sa 6.8 magnitude nga linog sa General Santos City ug nagpasalig nga dili sila biyaan sa gobyerno taliwala niining mga pagsulay nga panahon nga dala sa natural nga kalamidad.
“Hindi po kami aalis dito. Ang ating mga different aid agencies, hindi po aalis ang mga ‘yan hangga’t lahat ng mga nangangailangan ay mabibigyan ng atensyon,” ang pamahayag ni President Marcos atol sa iyang pag-atubang sa mga naligonan sa Gensan ug Sarangani Province.
Si Presidente Marcos nagkanayon nga ang gobyerno padayong naghatag sa gikinahanglang tabang sa mga biktima sa linog ilabi na niadtong temporaryong mipasilong sa mga evacuation centers ug giklaro usba niini nga dili pa mahimo ang pagtuykod pag-usab sa nangaguba nga panimalay tungod sa padayong aftershocks sa 6.8 magnitude nga linog.
Gihatagan og gibug-aton sa Presidente nga nanghatag sila og mga hygiene kits, temporaryo nga kapuy-an, ug igong suplay sa tubig sa mga biktima sa linog, nga nag-awhag kanila nga dili magpanuko sa pagsulti sa gobyerno bahin sa ilang mga panginahanglan.
“Kaya’t asahan ninyo na nandito ang inyong pamahalaan para tutulungan kayo at magsabi lang kayo kung ano ‘yung inyong pangangailangan at kung kaya naming dalhin sa inyo ay gagawin po namin. Kami’y nakabantay. Asahan ninyo lahat ng maari naming gawin para tulungan kayo dito sa – dito sa kahirapan na dinadaanan natin ay tutuloy,” ang dugang pamahayag sa Pangulo.
Si Presidente Marcos mibisita sa General Santos City niadtong Huwebes sa hapon aron personal nga bantayan ang aksiyon sa gobyerno ug aron makakuha og personal nga update gikan sa lokal ug nasyonal nga gobyerno sa gidak-on sa kadaot nga gipahinabo sa linog.
Si Social Welfare Secretary Rex Gatchalian, Interior Secretary Benjamin Abalos Jr., National Defense (DND) Secretary Gilbert Teodoro Jr. ug Public Works Secretary Manuel Bonoan miuban kang Presidente Marcos sa pagbisita sa General Santos City. (Rey Ombana, photo courtesy of PresComm)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -