Davao City – Upat ka mga Peniriso ang kompermadong Patay samtang tulo ka mga Police usab ang samaron human ang gipahigayong GreyHound Operation sa Davao City Jail ang hiniusang pwersa sa Police Regional Office, Bureau of Jail Management and Penology inubanan sa Davao City Police Office ingon man ang Criminal Investigation and Detection Group lakip ang Philippine Drug Enforcement Agency niadtong Sabado sa Kadlawon.
Nasakmit sa gihimong Oplan Galugad ang nagkadaiyang Drug Paraphernalia ug mga Illegal nga kontrabando dugang pa ang duha ka pakete sa Shabu nga kantidad sa 160 mil ka pesos. Nasayran nga nagpositibo usab sa paggamit sa Illegal nga Droga ang siyam ka mga inmates lakip na si BJMP Jail Chief Inspector Roman Hernandez, Provinvial Jail Administrator sa BJMP Davao del Sur.
Nasayran sa impormasyon nga samtang nag-ukay sa mga gamit sa mga peniriso ang kapolisan apan usa sa mga peniriso ang kalit nga mibunlot sa iyang sumpak dayon nga gipusil ang mga Police. Samtang ang ubang mga Peniriso ang nakig karambola sa ubang mga Police nga nag-ukay sa ilahang mga kabtangan.
Sumala pa ni Davao City Police Office Spokesperson Senior Inspector Ma. Theresita Plaza-Gaspan nga nasamdan sila ni PO2 Jonie dela Fuente kinsa nakaangkon ug dinunggaban sa iyang tiyan ug napusilan pa sa dughan, PO1 Vincent Lomolio kinsa dunay hiniwan sa iyang lawas ug mga samad pinusilan sa lawas.
Samtang sa pikas bahin, giila usab ang mga penirisong nangamatay nga sila ni Alvin Celis, Dexter Delfino, Flor Leonard Restauro ug Jerry Fernandez diin nakuha sa posisyon ni Celis ang usa ka Sumpak ug laing tulo ka mga Kutsilyo ang nakuha usab sa ubang namatay.
Samtang si BJMP chief Inspector Roman Hernandez ang gidala sa buhatan sa Philippine Drug Enforcement Agency-Davao Region aron ikostudiya samtang sumala pa ni Gaspan nga gikan sa Main Building ang siyam ka mga inmates nga nagpositibo sa Drugtest samtang ang upat naggikan sa Cell18 Annex Building.
