Nahimo na dakong malampuson an pormal na pag-abri sa ika-22 na Caraga Athletic Association – Regional Sports Competition na tagpahigayon sa Surigao Del Norte sports complex. An ini na kalihukan sa natad nan sports pinasiugdahan nan Department of Education – Caraga Region ug kuman na tuig tag-host an ciudad nan Surigao iban sa probinsiya sa Surigao Del Norte.
Nahimong pinasidunggang bisita si Sec. Jose Ruperto Martin Andanar nan Presidential Communications Operations Office, isa ka lumad na Surigaonon. Keynote speaker isab si Hon. Lorna Dig-Dino, Undersecretary for Curriculum and Instruction Department nan Department of Education.
Tagpangunahan isab nan mga kadagkuan sa probinsiya sanan ciudad nan Surigao an kalihukan iban sa mga opisyales sa nagkalain-laing probinsiya sakop sa rehiyon nan Caraga.
Nabati an pag-deklara na abri na an kumpetisyon pinaagi na sa kan Dir. Francis Cesar Bringas, CESO V Caraga Region – DepEd Regional Director, human dajon an isa ka dako na presentasyon tapos an fireworks display.