‘Oplan Biyaheng Ayos Pasko 2018’ ilalarga na ng CAAP

Ilalarga na ng Civil Aviation Authority of the Philippines o CAAP ang kanilang “Oplan Biyaheng Ayos Pasko 2018.”

Ito’y para sa inaasahang pagdagsa ng mga pasahero sa mga paliparan ilang araw bago ang pasko at bagong taon.

Layunin nito na tiyaking ligtas at maayos ang operasyon ng mga airport na inaasahang daragsain ng mga Pilipino maging ng mga turista.

Dahil dito, magdaragdag ng mga tauhan ang CAAP sa buong bansa at ipatutupad din ang “no leave and no day off policy” sa kanilang mga kawani.