Inadmitir ni Hon. Mel Lawrence Coloma, Sangguniang Bayan Member iti ili ti Pinili a nakurang paylaeng iti panagidisimar iti impormasyon kadagiti residente ti ili mainaig iti panagbakuna kontra Covid-19.
Daytoy iti inbatad na bayat iti regular session dagiti Sangguniang Bayan ti Pinili babaen iti panag-preside ni Hon. Anunciacion Pagdilao.
Naibatad daytoy ni Hon. Coloma gapuanan ta bayat iti naiwayat a general meeting iti kada barangay ket ditoy nga inyuman dagiti opisiales pakaseknan iti nasao a gakat ngem sumagmamano laeng dagiti nagitayag a residente ti ima da a mangayat nga agpabakuna.
Gapu iti daytoy, napagnunummuan ti konseho a nasaysayaat iti panag house-to-house wenno panagbalay-balay dagiti opisiales tapnon gutiguten dagiti residente nga umanamong nga agpabakuna.
(Alyssa Pagdilao, RPN DZRL Batac Correspondent)
(Source: LGU Pinili)