Cebu City – Natigayon na ang groundbreaking ceremony sa modernization program sa Carbon Market gahapon human sa duha ka higayong pagkaoktaba.
Nagpasabot kining magsugod na ang pagtrabaho sa multibillion public-private partnership project sa kagamhanang local ug sa Megawide Construction Corp.
Sila si Mayor Edgardo Labella ug executive for infrastructure sa Megawide, Louis Ferrer, ang nangu sa groundbreaking sa Senior Citizens Park, usa ka bahin sa mixed-use development sa mosunod nga lima ka tuig.
Ang kalangay naggumikan sa pagsupak sa mga manindahay kalabot sa pipila ka bahin sa JVA o joint-venture agreement nga nagtugot sa Megawide pagkolekta sa abagangan sa bag-ong merkado ug pagpaumento sa abangan paglabay sa tulo ka tuig.
Hinuon, human mopirma ang mga vendors sa resolution nga naglatid nga magpadayon ang negosasyon human sa groundbreaking, misugot ang mga manindahay nga ipadayon ang groundbreaking.
Gihimug-atan ni Labella ang iyang pasalig ngadto sa Carbon Public Market Vendors nga dili sila ma displace, ug dunya silay saktong pwesto sa higayon nga ma kompleto na ang redevelopment sa Carbon Market.
Gipahibaw sa mayor nga duna nay na-distribute nga 1,600 ka mga Certificate of Recognition pag siguro sa lugar alang sa mga ambulant vendors kinsa gi recognize sa Cebu City Market Operations Division.
Dugang niini nga padayon ang pag distribute sa mga umaabot nga adlaw hangtud nga mahatagan ang tanang kapin sa 2,000 ka mga manindahay sa Carbon. (Jhon Tadlip/JTY)
(News & photo courtesy of Cebu City Public Information Office)