Cebu City – Napulo ka suspetsadong sakop sa komunistang rebelde ang napatay sa pinusilay batok sa mga sundalo sa Guihulngan City, Negros Oriental sa miaging hapon.
Si Major Cenon Pancito, tigpamaba sa 3rd Infantry Brigade sa Philippine Army, mitug-ansa mga tigbalita gahapon sa nahitabong engkuwentro sa Brgy. Trinidad.
Suma pa ni Pancito, ang panagsangka misangko sa kamatayon sa walo ka giingong sakop sa CPP/NPA o Communist Party of the Philippines/New People’s Army.
Hinuon, matod ni Pancito, ila pang gisusi ang ngan sa mga nakalas ug sa kabahin sa gobyerno, walay usang namatay.
Gitug-an usab sa opisyal sa army nga ang ilang mga sakop uban sa kapolisan nagpahigayon pa og hot pursuit operation batok sa mga kaaway nga gituhoang nakaikyas atol sa panagsangka.
Midugang si Pancito nga ilang ipadayon ang paggukod sa mga nangikyas kay nakakita silag timailhan kon diin kini mangagi gikansa encounter site.
Gitataw ni Pancito nga nakadawat silag report gikan sa usa ka concerned citizen bahin sa presensiya sa armadong grupo sa lugar hinungdang giadto dayon sa kasundalohan. (Jhon Tadlip/JTY)
(Source: 3IB Philippine Army-Guihulngan City, Negros Oriental, photo courtesy of Philippine Army)