Opisiales Iti Ili A Pinili, Kasapulan A Mabakunaan – Hon. Bumanglag

Inbatad ni Hon. Vice Mayor Maynard Francis Bumanglag iti ili a Pinili a kasapulan dagiti amin nga opisiales ti ili nga agpabakuna iti kontra COVID-19.

Kinunana bayat iti regular session dagiti Sangguniang Bayan ti ili, nga agbalin a modelo para kadagiti tattao tapnon saan da nga agbuteng a mabakunaan.

Innayonna, a daytoy a gakat ket kas pangprotektar iti bagi da pakairamanan ti ili nangnangruna ket addu dagiti makahalhalubiloda a kas maisa nga opisiales ti ili.

Kabayatanna, segun kenni Bumanglag a saan koma agbuteng dagiti opisiales ken dagiti umili gapu ta daytoy a bakuna ket pangprotektar iti COVID-19. (Alyssa Pagdilao, RPN DZRL Batac Correspondent)

(Source: LGU Pinili, Ilocos Norte)