Cebu City – Gibuksan na ang serbisyo alang niadtong mga pasyente nga buot magpakonsulta sa Cebu City Medical Center(CCMC) sa Out-Patient Department (OPD) sa Syudad sa Sugbo.
Anaa kini mahimutang sa bag-ong CCMC building nga mo-dawat ug mga OPD cases gikan sa Lunes hangtod sa Biyernes, alas 8:00 sa buntag hangtod sa alas 5:00 sa hapon.
Ang kadagkuan sa CCMC mipahimagno alang niaddtong buot magpakonsulta nga istriktong tumanon ang mga heath protocols.
Kini naglakip sa kanunay ug sakto nga pagsul-ob ug facemask ug face shield ug physical distancing aron malikayan ang Coronavirus disease 2019.
Niadtong Disyembre 2020,gibuksan sa syudad ug nahimong operational ang bag-ong building sa CCMC.
Tinunga niini nga maserbisyohan ang katawhan nga nagkinahanglan og serbisyong medical.
Ang maong pampublikong tambalanan nagkinahanglan pa hinoon ug dugang pondo alang sa nahibiling andawa nga wala pa makompleto. (Jhon Tadlip/JTY)
(News & photo courtesy of Cebu City Public Information Office)