Zamboanga del Sur – Mas gipahugtan pa karon sa probinsya ang quarantine protocol diin ang Provincial Government nag pakanaog ug bag-ong Executive Order diin epektibo kini sugod June 1 to June 15, 2021 ug ipailawom sa Modified Enhance Community quarantine ko MECQ ang lalawigan Zamboanga Del Sur.
Gumikan sa padayong pagtaas sa kaso sa nga natapyan sa maong virus, pinaagi usab sa rekomendasyon sa provincial IATF, mas hugot nga mandato ang gimugna karon aron mapugngan ang pagkunayap sa covid 19 virus ug sa bag ong variant niini.
Kada adlaw makatala ang covid response team ug 40 pataas nga kaso sa covid hinungdan nga milungtad ang ihap ngadto sa kapin kinyentos ning nakalabayng bulan.
Ilawon sa mas pinahugot nga quarantine protocol, ginadili ang pagbukas sa pipila ka establisyemento sama sa dine in restaurants, leisure facilities, sports and entertainment, beaches and gatherings. Samtang, 30% population capacity lamang ang mga simbahan ug uban pang pagtapok tapok.
Samtang, gilinaw sa probinsya nga walay mahitabo nga lockdown apan gilimitahan lamang ang lihok sa mga tawo. Padayon gihapon ang pagbyahe sulod ug gawas sa probinsya basta gikinahanglan lamang ang pagsunod ug paghatag sa mga dokumentong kinahanglan sa pagbyahe.
Gikanayon nga kon ang gipagawas nga resolution sa National IATF muluntad pa hantud sa katapusan ug kon dili moubos ang kaso sa COVID-19 sa Probinsya posible nga mo extend ang MECQ hantud June 30, 2021. (Diocsil Sanico, RPN DXKP Pagadian OIC, photo courtesy of PIO-ZDS)
