Ang Oolong tea processing center sa barangay Kalagonoy sakop sa syudad sa Gingoog sa probinsya sa Misamis Oriental magsugod na sa ilang operasyon sunod bulan, matud pa ni Provincial Agriculture Office head Apollo Pacamalan. Matud pa ni Pacamalan, nangabot na ang mga makina gikan sa DTI ug ang building construction nagsugod sa usab ug gitakdang matapos sa unang semana sa bulan sa Disyembre.
Ang balor 35 milyones pesos nga Oolong tea processing center alang kini sa massive production sa maong tea nga gilantawang dakog tabang sa mga mag-uuma niini nga motaas ang ilang kinitaan.
Gituhuan usab nga makapalambo sa ekonomiya sa Gingoog City ang maong planta gawas nga kini makatabang sa tourismo sa probinsya tungod kay ang maong plantasyon sa Oolong tea nahimutang sa scenic view tungatunga sa mountain ranges sa Macajalar Bay.
Ang talamnon nga Oolong gipatubo sa mga Higaonon farmer nga nanimuyo haduol sa maong palibot.