Cagayan de Oro – GIBUKSAN na sa City Scholarship Office ubos ni CSO Head Richel Petalcurin-Dahay ang online applications alang sa Law ug Medical School Scholarship sugod karong adlawa, Mayo 20 hangtud Mayo 30 ning tuig.
Alang sa proseso, kinahanglan mobisita ang mga aplikante niini nga link: bit.ly/MedLawApplication2024 aron masayran ang angay buhaton ug mga detalye kalabot sa programa.
Subay niini, gikinahanglan mopasa sa ilang sa requirements ang mga aplikante pinaagi sa online sugod Hunyo 3 hangtud Hunyo 14.
Ang mapili nga law school scholars makadawat og mga benepisyo sama sa full tuition, matriculation, books allowance ug uban bayronon sama sa financial assistance panahon sa bar exam.
Samtang sa medical school, makadawat og mga benepisyo sama sa full tuition, matriculation, books allowance ug other fees, lakip living subsidy ug lodging allowance alang sa molupyo sa hinterland barangays ug financial assistance atol sa internship of students.
Gikatakdang i-anunsiyo ang listahan sa mga nakapasar karong Agosto 2 ning tuig.
Nasayrang ang mga alumni city scholars mahatagan sa prayoridad sa scholarship program.
Alang sa dugang pangutana, mahimong mobisita o motawag sa FB page, CDO CITY SCHOLARSHIPS OFFICE.
News and photo by CIO CDO