Nagpadayon karon ang imbestigasyon sa Cebu City Police Office kalabot sa lalaki nga napalgang patay.
Didto kini nakit-an sa Maria Gochan St., Barangay Mambaling, dakbayan sa Sugbo, pasado alas 9:00 kagahapon sa buntag, Mayo 16, 2024.
Ang biktima giila sa Mambaling Police Station nga mao si Hearty Alcantara, hingkod ang panuigon, lumad nga taga Lanao del Norte.
Sa imbestigasyon sa kapulisan nasayran nga ang biktima nibisita sa iyang higala sa maong lugar.
Nakit-an nalang kini nga wala nay kinabuhi nga adunay samad dinunggaban sa lawas.
Tanang angulo ang gitan-aw karon sa kapulisan kung adunay bay nibuhat niini o ang mismong biktima maoy naghunos sa iyang kaugalingon. (Renante Lada | Angkol Ting Joe)