Maibunong iti daytoy nga aldaw December 10 dagiti Nego Kart ken pangrugian a puunan para kadagiti OFW Displaced Worker iti maikadua a distrito ti probinsia.
Segun ken Mrs. Anne Marie Lizette B. Atuan, manager ti public Employment Service Office ti gobierno probinsial maisayangkat ti nasao nga aktibidad idiay Imelda Cultural Center iti siudad ti Batac iti oras ti alas nuebe ti bigat.
Imbatadna a manamnama nga idauloan ni Gob. Matthew Marcos Manotoc ti nasao nga aktibidad.
Inlawlawagna a dagiti benepisiario ket karaman kadagiti nakipaset iti seminar ken training ti IN na Negosyo sa kariton a naisayangkat idi bulan ti Oktubre iti Ilocos Norte Centennial Arena.
Kunana iti daytoy, inbunannagna a maiyun-una iti maikadua a distrito gapu iti kaadda ti siudad ti Laoag iti babaen ti Modified Enhanced Community Quarantine wenno MECQ.
Nupay kasta, impasiguradona a maisaruno dagiti benepisiario iti umuna a distrito apaman a maikkaten ti MECQ ditoy siudad ti Laoag. (OIC Rodrigo Sadian, RPN DZRL Batac)
(Source: LGU Batac City)