Sikop sa gikasa nga buy-bust operation sa mga personahe sa kapulisan ang usa ka lalaki nga notado nga High Value Individual (HVI), didto sa Purok School Zone, Brgy. Turno, ning dakbayan sa Dipolog, mga alas 12:21 sa kadlawon, Myerkules, Mayo 15, 2024.
Ang maong suspetsado giila nga si Brian Suan Ajero, 42 anyos, lalaki, minyo, walay trabaho, ug residente sa Brgy. San Vicente, Brgy. Dapitan, Zamboanga del Norte.
Nasikop kini pinaagi sa hiniusang pwersa sa mga personahe sa Dipolog CPS (SDET) pinangulohan ni PLT BERJOHN TIANOK (lead unit), kauban ang DEG SOU 9, RDEU 9, ZNPDEU, 1st ZNPMFC ug sa pakig-alayon sa ZN PDEA 9.
Atol sa operasyon nasakmit gikan sa possession ug control sa suspek mao ang; Usa ka piraso nga small size heat-sealed transparent plastic sachet sa gidudahang “Shabu” isip buy bust evidence; Tulo ka piraso sa small size heat-sealed transparent plastic sachet sa gituhoang “Shabu”; Usa ka piraso nga medium size heat-sealed transparent plastic sachet sa gituhoang “Shabu”; Usa ka piraso nga big size heat-sealed transparent plastic sachet sa gidudahang “Shabu”.
Usa ka piraso sa 1,000-peso bill isip buy-bust money, ₱220 nga adunay lain-laing denominasyon nga kuwarta;Usa ka Pack Cigarette Berlin kolor puti nga adunay pula nga kombinasyon nagsilbing sudlanan sa giablihan nga transparent cellophane nga adunay sulod nga shabu; Usa ka Black Leather Wallet nga adunay LG Brand.
Usa ka unit sa iPhone 11 cellular phone nga kolor silver green nga adunay baterya ug simcard nga adunay transparent nga casing; Usa ka Belt Bag nga kolor blue nga itom nga kombinasyon nagsilbing sudlanan sa tanang butang nga nakumpiska ug Usa ka unit nga Bajaj Kawasaki CT100 nga motorsiklo kolor blue ug itom nga nagdala sa plate number 0920-1017022 nga adunay yawe.
Ang mga narekober nga Drug Evidence adunay gibanabanang gibug-aton nga 10 gramos ug adunay standard drug price nga mobalor sa ₱68, 000. (Medalyn U. Borja)
(Source: Dipolog CPS)