Ang buhatan sa Office of Civil Defense (OCD) ug Zamboanga del Norte Disaster Risk Reduction and Management Office (ZN-PDRRMO) nipahigayon ug 3 ka adlaw nga Emergency Operations Center(EOC) Management Training Course, didto sa BNB Gloria De Dapitan, Dapitan City, niadtong Mayo 14 ning tuig.
Ang maong kalihokan gi facilitate sa pipila ka mga personahe sa OCD, nga gilangkuban nila ni; Atty. Kornessa L. Paras, Chief Capacity Building & Training Capacity; Raiyah A. Sindadoc, Asst. Chief Capacity Building & Training Capacity; ug Mr. Ralfey Asuncion, Training Specialist , giubanan ni Mr. Allen Sison, RN, ZN-PDRRMO Division/ Warning Division Head/ CADRE , kinsa mao ang nihimo ug mga serye ug lecture, mga workshops, ug simulation ehersisyo diin gisalmotan sa 45 ka mga partisipante gikan sa PDRRM Council, 15 gikan sa LDRRMO ug laing 15 gikan sa buhatan sa PDRRMO.
Kini nga mga kalihokan nagsilbi nga importanteng himan sa pagdumala sa ilang EOC sa panahon sa mga emerhensya diin tumong sa maong pagbansay mao ang paghatag sa mga partisipante sa gikinahanglang kahibalo ug kahanas alang sa paggamit sa mga batakang konsepto ug prinsipyo sa EOC.
Pagpalig-on sa pagdumala sa kahinguhaan, mga pamaagi sa pagdumala sa kaluwasan, ug pagkamay-tulubagon sa unsa mang katalagman o sitwasyon nga masinatian. (Medalyn U. Borja)
(Source: Provincial Disaster Risk Reduction and Management Office-ZDN 2024)