Non-teaching Personnel sa Surigao City DEPED Division nag hikog patay

0
9

Hilabihang kakurat ug kaguol sa dihang patay ng nakaplagan sa ija igsoon suyod sa ija bayay an 46 anyos nga layaki human kini nag hikog.

Nakilay.an an biktima nga si Gil Pagapular Tantoy, 46 anyos, layaki, ulitawo, Admin 2 sa Surigao City DepEd, residente sa Purok 7, Sitio Putchan, Brgy. Mat.i, Surigao City.

Basi sa inisyal nga imbestigasyon ni PSSgt. Jonathan C. Bugas isa ka lawas nga waya nay kinabuhi an napalgan suyod sa comfort room sa gipuy-an sa biktima nga nagbuy-od sa sayog nga may marka sa liog.

Ang biktima migamit ug kurtina nga gitaod sa ibabaw nga bahin sa pirtahan. Dugang pa sa imbestigasyon nga posibling depress an maong biktima gumikan sa problema sa pinansyal.

Samtang pagka hapon nabantayan nalang kini sa igsoon nga si Zaldy Tantoy nga naghikog patay na an ija igsoon pagka alas 4:00 na sa hapon kagahapong adlawa.

Sa imbestigasyon sa Scene Of the Crime Operatives kon SOCO nasayran nga wayay timail.han nga foul play sa maong insidente.

Nag request na isab nan Post Mortem Examination an Investigator On Case aron mahibaw.an an kamatayon sa biktima. Waya na isab mag hatag nan statement an pamilya sa biktima.

(News and photo courtesy of Mark James Lisondra)

Leave a Reply