El Philippine Army ya promociona para na siguiente alto rango con un oficial y seis personajes del 11th Infantry Division (ID) base na Provincia del Sulu, asegun con el militar del Martes.
El 11ID ya nombra con el nuevo promocionao oficial como si First Lieutenant Mar Almo, con quien ya promociona para na rango de Capitan.
Asegun con el 11ID, el seis personajes nuevo promocionao amo canda Privates Nuriza Mohammad, Mary Antonette Adaya, Clarissa Salvatierra, Venhard Candido, Daryl Roncales, y si Shermaine Quiroz.
Asegun con el 11ID, con el seis personajes ya promociona para na rango de Private First Class.
El ceremonia del ponida del rango con el mga nuevo promocionao oficial y seis personajes ya hace durante el ceremonia de la bandera na quartel del 11ID na Campo Teodulfo Bautista na Jolo, Sulu, del Lunes.
Si Brigadier General Alexei Musñgi, el 11ID assistant division commander, personalmente ya sujeta el nuevo insignia de rango con el mga promocionao oficial y seis personajes.
Ya asisti con Musñgi durante el ceremonia canda Coronel Gregorio Nieveras, el general inspector; Tiniente Coronel Emerson Ian Borja, el assistant chief of staff for personnel; y otro mga oficiales del 11ID. (B. Garcia)
