Tumulong a mangduktal ken mangpadur-as kadagiti “potential” wenno kinabaknang ti Ilocos Norte manipud iti panagminas apakabenepisiaran met dagiti umili.
Daytoy iti rinanta dagiti pannakabagi ti nickel Asia Corporation a nakitaripnong kadagiti masekanan a Department / division Heads ti gobierno probinsia babaen kada Mr. Perry Martinez iti INVEST, Mrs. Estrella Baby Sacro ti ENRO, Mr. Francis Salvatiera ti Quarry ken ni Mr. Vic Dabalos iti PENRO.
Segun ken Mr. JB Baylon, Vice President for Corporate Communication ti NAC, inimbitaran ni Gov. Matthew Marcos Manotoc dagitoy tapno tumulong da a mangadal ken mangpadur-as pay iti Ilocos Norte.
Saan met a mababalaw ni Mr. Baylon dagit dadduma a kontra iti panagminas gapu iti aramid dagiti sumagmamano nga irresponsible a minero kadagiti sabsabali a lugar.
Inlawlawagna a naidatag kadakkuada dagiti “data” a mabalin da a penken kas iti paset na ti padsan ken bislac river a kalienda a ti makali a darat ken bato ket mausar kadagiti nagduduma a proyekto infrastractura.
Saan met a maibaga ni Mr. baylon no mano iti maiyemplo no bilang matuloy ti proyekto gapu ta depende no narabaw laeng wenno under – ground ti kalien da iti maysa a lugar.
Segun pay kenkuna, manmano laeng dagiti probinsia nga interesado iti Mining a maysa daytoy a biddut ti kaadduan gapu ta no “responsible mining” mabenepisiaran met iti kumunidad.
Immun-una ngem iti dayoty, naisayangkat ti dialogue iti sangguniang panlalawigan session hall ken site inspection kadagiti lugar a mabalin a pakaiwayatan iti mining babaen kadagiti pannakabagi iti Nickel Mining ti kadakkelan a mining firm ken best miner iti intero a lubong ken dagiti pannakabagi ti ENRO, PENRO, Quarry ken INVEST. (Irene Ringor, RPN DZRL Batac Correspondent)
(Source: Provincial Government Ilocos Norte)