Iriga City – Nag-ani nin pagtuyaw an National Grid Corporation of the Philippines huli sa kawaran nin abiso antes na magkaigua nin mahiwas na brown out kasu-odma sa mayoriyang lugar digde sa Rinconada area sakop kan Casureco 3.
Inot kaini, itinukdo kan Casureco 3 an NGCP na iyo an nasa likod kan mahiwas na brown out huli sa saindang pag-irahay sa mga linya na naapektaran kan nagtalikod na mga bagyo particular sa probinsya kan Camarines Sur pasiring sa Albay O 69 KV transmission line.
Pinaliwanag pa kan Casureco 3 na kuta na an brown out kasu-odma iyo an tinalaan na brown out kan Sabado, alagad dai nadagos asin ginibo na kasu-odma, nagin dalan tanganing enterong maribariw an mga konsumidor kun ano an kausa kan mahiwas na brown out.
Katakod kaini, nangapudan an mga konsumidores na magkaigua nin amay na abiso an NGCP O Casureco kun maputol nin supply nin kuryente. (Melvin F. Barayoga, RPN DZKI Iriga OIC)
(Source: CASURECO 3)
